1979 Schnee satt!
Een Week schoolfree!


Sylvester 1978 geef dat düchtig Schnee.

De eersten Schneewehen gungen bit an't Dack.

So wat harrn wi noch nich beläwt - Wullst du telefoneern, denn gung dor een dortüschen un sä van anner Enn: "Ist ihr Gespräch lebenswichtig? Sie blockieren die Leitung!"

Dissen Barg Schnee leeg in Uthusen in de Hoff-Infohrt un de Trecker stunn up Deel un weer dör Schnee insperrt.

Uthusen inschneet!

Een Wintermärchen - man dat Auto is ünnern Schnee begraben!

De Infohrt is weer free - man up dat Tüschendack liggt noch allerhand.

Van den Geräteschuppen hefft wi den Schnee rünnerschlöten musst, so fast weer he wurrn.

Nachts weer de Schnee an't Spitzdack hochweiht. De Last leet dat Dack tonanner infallen.

Dör den Dunst van't Veeh harr sick ünner den Schnee Water sammelt un he weer afrutscht.

De Schnee leeg an disse Dün so hoch, dat de Bagger Moi harr, de Schnee an't Siet to bringen. De Buren kunnen ehr Melk nich loswerden, do leeten se de Melk in een Ballje loopen, de se up Deel mit Strohballen oder buten mit Schnee baut harrn un mit Folie utleggt harrn.

Bi dissen Hoff nehm de Tankwagen den Weg dört Land, wiel up Straat keen Dörkomen weer. Twee groot Trekkers mussen den Tankwagen dör den deepen Schnee luken. De meesten Melktanks weern na twee Dag bit an't Ohren vull un streeken över. Well kien Folie harr oder de Melk an Kalver verfuttern kunn - de bleev blots, de Melk in'n Schloot versickern to laten.

Iesgang an Hooksieler Strand

In Januar 1979 geef dat grode Iesschollen

Wachtturm an Hooksieler Strand.

De Haben van Horumersiel, wo de Iesschicht de Dalben bi jeder Floot een Stück wiet ut den Schlick holen deiht.

Midden April 1979 leegen immer noch Schneereste up'n Weg.

Dat Schmültwater steiht in April 1979 immer noch bit to'n Uthuser Dreih.



  • Zurück