Döschken - Dreschen


Anscheern mit Bick un Sicht. Mit Bick een poor Halms griepen un fastholln - denn mit Sicht ünnern afhauen.

Doon deiht leern. 7 Schläg vör un fief torüg. Mit Bick nafaaten und de Halms mit Schwung afmeihen.

Mit Bick den Schof afleggen.

Schöf binden mit Stroh.

Bautz - Selbstbinder van vörn
De Spindel hol de Halms nah de Maschin to, dat Messt ünnern schneet se af - un so fulln se up de ünnerst Stoffbahn.

Een IF Selbstbinder van achtern
De Stoffbahn dreih sück links herum un de Halms wurrn baben links up den Disch afleegt

de Bindevörrichtung
Immer, wenn de Disch vull genoog weer, denn holen Nadel un Knütter dat Sisalband ut de Trummel links ünnern, bunnen een Schoof torecht un leggen hüm af.

Meihen un Döschken mit een Maschin - de Entwicklung geiht vöran!

Nu word de Schöf in Hocken stellt - 8 Stück tohoop un in Verband dormit de Wind se nich utanner haut un kien Regen rinn löppt.

Landvolkvereen Hokarken-Friekensiel wiest an 22.7.03 bi den Windpark Bassens wu man in fröher Tieden schoren hett.

In anner Gegenden word bit to 10 Schöfe in een Hock stellt.

Disse Reeg Hocken stunnen an 20. Juli bi Putbus up de Insel Rügen.

Later wurrn de de Schöf up Ackerwagen packt un na Hus henbrocht. Dor kunn se up een Strohbült packt oder ünner Dack lagert weern - und wenn man Lü genoog tohoop harr un de Lohnünnernehmer Tied harr, denn wurr de Döschkmaschien upstellt un in Gang brocht.

1964 wurr düchtig döschken.

Nu kunn de Sacken mit Koorn aflewert weern oder se keemen to'n Drögen up Böhn - man dor holen sick Spatzen un Müüs ehrn Deel weg.

De Schöfe wurrn van Strohbült baben up de Maschien gäven, wo een Arbeiter mit'n scharpen Messt den Bund upschlitzt. De Halms wuurn van de Maschien kört maakt un in de Trummeln de Karls van den Halm holt. Achtern fullen de Karls denn in de Jute - Sacken.

An anner Een van Döschkmaschien keem Stroh, Kaff un Ihnen herut.
Bi eenig Maschienen harr man dor all een Press anboot, de dat Stroh ok glieks binden de, so kunn man dat bäter packen.

Toerst wuurn de Middeldruckpressen an de Döschkmaschin anstellt

un nahst glieks anbaut.

As de Lü mehr Geld in Fingers kreegen - keemen de eersten Meihdöschkers, de van een Trecker trucken wuurn. De nächsten Meihdöschkers harrn eegen Motor, man een tweet Mann muss to'n Afsacken mitfohrn.

Dissen Sülvstfohrer hett all een Koorntank. Vandag hebbt de Meihdöschkers een Kabin mit Klimaanlaag un ok een Koorntank un van den Stoff markt de Fohrer ok nix mehr.

Meihdöschker mit Kabin

Meihdöschker mit Häcksler de dat Stroh ok verdeelt

Strohpress

Dat Stroh up Feld wurr dör disse Press to hantig Ballen maakt.

Pick up sammelt dat Stroh van Grund af

Över een Pritsch wuurn de Hochdruckballen up den Wagen drückt un mussen dor verpackt weern.

Mit een Ballenschleuder gung dat lichter un een bült flinker

man de Wagens bruuken Fanggitters un dat Afladen maak kien Spaß - wiel de Ballen all dörnanner leegen.

Rundballen und Grootpacken
Vandag sünd de Ballen grötter und mit Hand nich mehr to börden.

Dissen Trecker bi Sillnstäe muss 2 Wagens mit 28 Rundballen luken.
  • Zurück