Schneestörm
Van den 17. Februar 1966 an harrn wi een gräsigen Oostwind mit een bült Schnee un de weih to hooge Dünen tosamen


De eerste Daag wurr de Tankwagen mit 2 Treckers dört Land trucken, wiel wi de Dün nich so gau dörschlöten kunnen. Man denn kämen uns de Gammenser to Hülp, de sick bi Erwin erstmol achter de Silo in't Schuul stellen.

Bi de Warf tüschen Erwin und Edo harr sick de meeste Schnee verfangen.

Vör den Schneestörm 1966

un nu een Dag later musst du di free schlöten.
Sylvester 1978 und Anfang Januar 1979 hefft wi nochmol een schlimmen Schneekatastrophe beläwt. An schlimmsten weer de Strom-Utfall.
Bi den Störm harr sick dick Ies üm de Freeleitungen leggt - se reeten dör - un achter uns Trafostation flogen immer grote Funken, wenn dat Een van Kabel up Grund kamen dee.
Well kien Notstrom-Aggregat harr, de muss sien Keuh van Hand melken.

Een Week lang weern de Straaten sperrt!
In dissen Winter wurrn ut Strohballen un Folie een Balli maakt un all Melk dor in kippt oder buten in't Schnee een Lock graben un mit Folie utleggt.
Bi mannig een keem de Tankwagen erst na een Week. So lang kunn se kien Melk bargen un läten se wegloopen, wiel ok de Kalver nich so väl suupen kunnen.


  • Zurück