De Siedlung Uthusen liggt bei Oldörp
Man hett Balken van 1500 funnen - so sünd de beid Warfen säker noch bäten öller.
Wu kummt man dor henn?
Man fohrt de Neewarfer Straat andaal Richtung Tammhusen und dreiht bi't Uthuser Dreih links af. Van hier ut kannst binnen dör fohren up Straat lang na St. Joost.
Büst mit Rad ünnerwegens, denn kannst in Sömmermaand ok över Tammhusen un Hillershusen na Nauens fohren, man dat letzt Stück is een grönen Weg un du musst dormit räken, dat du dien Rad schuben of dragen musst, wiel di Veeh tomööt kummt oder de Weg africhelt is.

De Weg na Uthusen	Neewarfen mit Uthuser Dreih
De middelst Platz liggt up'n Warf
Van links in Süden na	rechts in Norden all Stäe'n tohop
De beid öllst Buurnhüüs staht so up de Warf, dat dat Binnereen (Wohnhuus) na Oosten un de Schüür na Westen utricht is. Dat lüttje Arbeiterhuus ganz rechts steiht genau annersrüm.	De Wohnstuuv liggt bi beide Hüüs na Süden, Slaapstuuv na Oosten, Köken un Achterköken na Norden to. Beide hefft een Backhuus neben ehrn Schüür. Dat Huus an linker Kant steiht weer genau annersrüm.